tirsdag 6. januar 2015

Nytt år, nye opplevingar


Adolph Tidemand: Kvinnearm/studie

I år har eg tenkt å oppleve meir. I romjula var eg på Nasjonalgalleriet og såg dette nydelege maleriet av Adolph Tidemand, og eg vil sjå meir kunst. Meir kunst, film, teater og kino. Det er årevis sidan eg såg den faste samlinga på Nasjonalgalleriet, og då eg var der no oppdaga eg så mykje fint! Eg elskar å vere heime under pleddet og sjå på TV-seriar, men nok får vere nok. I år skal eg ut av sofakroken. Nyttårsforsettet mitt for 2014 var å berre lese samtidsromanar (etter sikkert fem år med gamle klassikarar) og eg var litt skeptisk. Gjett om eg leste mykje bra! Eg er så glad for at eg gav meg sjølv den utfordringa og oppdaga så mange fantastiske forfatterar. Så derfor er eg gira på ei ny kulturell utfordring, og eg synes denne er ganske bra. Meir opplevingar, hverken meir eller mindre. 

PS: eg hadde og som nyttårsforsett i 2014 at eg skulle vere flinkare til å gå ut med søpla. Det gjekk ikkje like bra som romanprosjektet. 

2 kommentarer:

  1. For et fint forsett! Jeg vil også oppleve mer i året som kommer. Og samtidsromaner er alltid en god ide synes jeg. Kanskje du kan skrive litt om hvilke du satte mest pris på i fjor? Det hadde vært topp med litt inspirasjon. Gleder meg masse til å lese seriealbumet ditt når det kommer!

    SvarSlett
    Svar
    1. Ja, kan godt skrive om dei bøkene eg likte best i 2014! Det er mykje å ta av :)

      Slett